Միգրացիոն քաղաքականության մշակման միջազգային կենտրոնը, ԵՄ-ի կողմից ֆինանսավորվող «Շարժունակության խթանում ռազմավարական մոտեցումների և գործնական քայլերի միջոցով» (MIBMA) ծրագրի շրջանակներում, ՅՈՒՆԻՍԵՖ-ի հայաստանյան ներկայացուցչության, «Վերադարձ Հայաստան» հիմնադրամի, «Save the Children International» հայաստանյան ներկայացուցչության, «Հայկական Կարիտաս» և «Հանրային դիվանագիտություն» կազմակերպությունների հետ համատեղ, հայտարարում է «Ճամպրուկ 2016» ամենամյա լրագրողական մրցույթի անցկացման մասին` միգրացիայի և սահմանների կառավարման ոլորտում:

Մասնակցության պայմանները ներկայացված են հայտարարությունում:

Հայտադիմումների ներկայացման վերջնաժամկետը 2016թ. նոյմեբրի 01 (մինչև 18:00):

2016թ. հուլիսի 14-ին, «Աջակցություն Հայաստանին միգրացիայի և սահմանների կառավարման ոլորտներում» (ՄԻԲՄԱ) ծրագրի կոզմից իրականացվող մեդիա նախագծի շրջանակներում տեղի ունեցավ ԶԼՄ-ների առաջին ճանաչողական այցը Գեղարքունիկի մարզ: Մեդիա նախագծի հիմնական նպատակն է բարձրացնել լրագրողների գիտելիքների մակարդակը միգրացիայի և սահմանների կառավարման ոլորտի վերաբերյալ, հայտնաբերել և բացահայտել այս շրջաններում միգրացիայի և սահմանների կառավարմանն առնչվող հրատապ խնդիրները, խթանել ԶԼՄ-ը վեր հանել Հայաստանի համար կարևոր մարտահրավերները:

Այցի շրջանակներում լրագրողները հնարավորություն են ունեցել զրուցել Գանձակ, Լիճք և Սարուխան գյուղերի գյուղապետերի, գյուղապետարանների ներկայացուցիչների և գյուղացիների հետ: Ընտանիքների կարիքները հոգալու նապատակով գյուղերի բնակչության գերակա մասն այժմ արտագնա աշխատանքի է մեկնել՝ հիմնականում Ռուսաստանի Դաշնություն: Ոմանք ընտանիքների բարեկեցությունը բարելավելու, ապրուստի գումար վաստակելու, ոմանք նոր հմտություններ և փորձ ձեռք բերելու, ոմանք էլ աշխատանքային հնարավորություններ բացահայտելու նպատակով: Շատ դեպքերում դա սեզոնային միգրացիա է, երբ միգրանտը լքում է տունը գարնանը և վերադառնում աշնանը: Գյուղապետերի խոսքով միգրանտների մեծամասնությունը վերադառնում են Հայաստան իրենց ընտանիքների մոտ, սակայն, կան դեպքեր, երբ ընտանիքներն են մեկնում և միանում տան տղամարդուն: Հայաստանում Գեղարքունիկի մարզը հայտնի է սեզոնային միգրացիայի բարձր մակարդակով, որը դարձել է այդ շրջանի ապրուստի հիմնական միջոցը:

Ճանաչողական այցի արդյունքում պատրաստված նյութերը հրապարակվելուն են և հեռարձակվելու տեղական մամուլում: Լրագրողները կներկայացնեն իրենց նյութերը միգրացիայի և սահմանների կառավարման ոլորտներում անցկացվող ամենամյա լրագրողական «Ճամպրուկ 2016» մրցույթին, որի եզրափակիչ փուլը կկայանա 2016թ. դեկտեմբերին:

2016թ. հունիսի 5-ին՝ Երևանի Հյուսիսային պողոտայում, Հայաստանում Միգրացիոն քաղաքականության մշակման միջազգային կենտրոնը մասնակցել է ՀՀ-ում Եվրամիության պատվիրակության կազմակերպած Եվրոպայի օրվան նվիրված տոնական միջոցառումներին։ Մեր Կենտրոնը մասնակցել է նշյալ միջոցառումներին՝ ներկայացնելով ԵՄ-ի կողմից ֆինանսավորվող «Աջակցություն Հայաստանին միգրացիայի և սահմանների կառավարման ոլորտներում» (ՄԻԲՄԱ) ծրագիրը: Միջոցառումների ընթացքում ՄՔՄՄԿ թիմը բոլոր հետաքրքրված անձանց ներկայացրել է ծրագրի նպատակներն ու բաղադրիչները, քննարկել է միգրացիայի զարգացման և ԵՄ ու ՀՀ միջև վիզային ռեժիմի հնարավոր ազատականացման վերաբերյալ հարցեր:

2016թ. մայիսի 17-ին ՞Էրեբունի Պլազա՞ բիզնես կենտրոնում տեղի է ունեցել ՀՀ միգրացիայի պետական կարգավորման քաղաքականության հայեցակարգի իրականացման 2012-2016թթ. գործողությունների ծրագրի մոնիթորինգի միջգերատեսչական հանձնաժողովի ընդլայնված նիստը: Նիստին ներկա են գտնվել պետական կառույցների, միջազգային կազմակերպությունների, ՀԿ-ի և համալսարանների ներկայացուցիչները: Միգրացիոն պետական ծառայության պետ պրն Գագիկ Եգանյանը ներկայացրել է 2017-2021թթ. միգրացիայի նոր քաղաքականության և գործողությունների ծրագրի մշակման գործընթացը, ինչպես նաև ռազմավարության նախագիծը: ԵԱՀԿ Երևանյան գրասենյակի ժողովրդավարացման ծրագրերի ազգային պատասխանատու տկն Օվսաննա Բաբայանը և ազգային փորձագետներ պրն Արամ Վարտիկյանը և տկն Աննա Մինասյանը խոսեցին 2012-2016թթ միգրացիայի քաղաքականության արդյունքների մասին և հատուկ նշեցին նոր ռազմավարության և գործողությունների ծրագրի մշակման գործընթացում ազդեցությունների գնահատման գործոնի կարևորությունը: Միգրացիոն պետական ծառայության աշխատակազմի ղեկավար պրն Համբարձում Աբրահամյանը կարևորեց գերակա նոր ուղղության`միգրացիայի և զարգացման փոխգործողությունը: Հաջորդ նիստը տեղի է ունենալու 2016թ. հուլիսին:

ՄԻԲՄԱ ծրագրի Ղեկավար խմբի առաջին նիստը տեղի է ունեցել Երևանում, 2016թ. ապրիլի 20-ին: Ղեկավարման խումբը ծրագրի կառավարման արտաքին կառույցն է, որը կազմավորված է ՀՀ-ում ԵՄ պատվիրակության, ՀՀ համապատասխան պետական մարմինների և ՄՔՄՄԿ ներկայացուցիչներից, ինչպես նաև ԵՄ անդամ պետությունները, ԵՄ համապատասխան գերատեսչությունները (FRONTEX) և միջազգային կազմակերպությունները ներկայացնող դիտորդներից:

2016թ. ապրիլի 19-ին Միգրացիայի քաղաքականության մշակման միջազգային կենտրոնը ազդարարել է “Աջակցություն Հայաստանին միգրացիայի և սահմանների կառավարման ոլորտներում» (ՄԻԲՄԱ) ծրագրի մեկնարկը Երևանում: Ծրագիրն իրականացվում է ՄՔՄՄԿ կողմից՝ ՄԱԿ-ի Զարգացման ծրագրի հետ համագործակցությամբ: Ծրագիրը ֆինանսավորվում է Եվրոպական միության կողմից:

Ներբեռնել

Ծրագրի մասին պատմող տեղեկատվական թերթիկը EN AM

Կոնտակտներ

ՄՔՄՄԿ կենտրոնական գրասենյակ

Ավստրիա, Վիեննա,1010
Գոնզագեգասսե 1
Հեռ. +43 1 504 4677 0
Ֆաքս +43 1 504 4677 2375

ՄՔՄՄԿ-ն Հայաստանում

ՀՀ, Երևան, 0010,
Վ.Սարգսյան փ. 26/1
՞Էրեբունի Պլազա՞ բիզնես կենտրոն, գրասենյակ 711
Հեռ. +374 10 520388

Էլ.փոստ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

Facebook