Հուլիսի 7-ից 10-ը տեղի է ունեցել Հայաստանում Միգրացիոն քաղաքականության մշակման միջազգային կենտրոնի կազմակերպած  լրագրողների երկրորդ ճանաչողական այցը դեպի Գեղարքունիքի մարզի Մարտունու տարածաշրջան: Aysor.am-ի, lragir.a-ի, aravot.am-ի, Ռեսպուբլիկա Արմենիայի, newsbook.a-ի, Հայաստանի հանրային ռադիոյի, Քյավառ հեռուստաընկերության, jamnews.am-ի, Chai-Khana.or-ի և այլ ԶԼՄ-ներ ներկայացնող 11 լրագրող այցելել են Կալավան, Դպրաբակ, Ծովինար, Արծվանիստ և Սոթք գյուղերը և հանդիպել գյուղապետերի և տեղի բնակչության հետ: Հարցազրույցների հիմնական թեմաներն էին համայնքների զարգացման հաջողված օրինակները, աշխատանքային միգրացիան, կենցաղային պայմանները, տեղի բնակչության խնդիրները և Հայաստանի ներսում և դուրսում աշխատատեղերի ստեղծումը:    

2017 թ-ի հունիսի 19-ին տեղի է ունեցել ՄԻԲՄԱ ծրագրի ղեկավարման խմբի երրորդ նիստը: Նիստի ընթացքում ներկայացվել է 2017թ․ առաջին կեսի ընթացքում իրականացված գործողությունները և ձեռքբերված արդյունքները, ինչպես նաև 2017թ․ երկրորդ կեսի համար նախատեսված աշխատանքային ծրագիրը: Նիստը բացել է ՄՔՄՄԿ արևելյան Եվրոպայի և Կենտրոնական Ասիայի տարածաշրջանային համակարգող պրն Ռադիմ Ժակը, ով այս պաշտոնում փոխարինում է ծրագրի ղեկավար պրն Բորութ Երժենին:  

 ՀՀ կառավարությունը հանձնարարել է Միգրացիոն պետական ծառայությանը ուսումնասիրել Եվրամիությունում գործող ներդրումների դիմաց կացության կարգավիճակի շնորհման տարբեր համակարգերը և մշակել Հայաստանում նմանատիպ համակարգի ներդրման մասին օրենսդրական առաջարկ: ԵՄ-ի կողմից ֆինանսավորվող ՄԻԲՄԱ ծրագրի շրջանակներում ՄՔՄՄԿ-ը հրավիրել է «Arton Capital» կազմակերպության փորձագետների խումբ՝ գործող համակարգերն ուսումնասիրելու և Հայաստանին համապատասխանող ձևաչափը ծրագրելու և մշակելու ուղղությամբ ծավալուն հետազոտություն անցկացնելու նպատակով։

Մայիսի 27-ին, Երևանում, Հյոսիսային պողոտայում անցկացվող “Եվրոպայի Օրվան” նվիրված միջացառումների ընթացքում, Հայաստանում ՄՔՄՄԿ-ը անկացրեց 10-13 տարեկան երեխաների համար “Ճամփորդություն առանց սահմանների” նկարչական մրցույթի մրցանակաբաշխությունը: Մրցույթը կազմակերպվել էր Եվրոպական Միության կողմից ֆինանսավորվող «Աջակցություն Հայաստանին միգրացիայի և սահմանների կառավարման ոլորտներում» ծրագրի շրջանակներում:

Մայիսի 19-ին Հայաստանում միգրացիոն քաղաքականության մշակման միջազգային կենտրոնը կազմակերպել էր ապաստան հայցողների ժամանակավոր կացարանի էսքիզային նախագծի քննարկմանն ու հաստատմանը նվիրված աշխատաժողով: Աշխատաժողովին մասնակցել են Միգրացիոն պետական ծառայության, Աշխատանքի և սոցիալական հարցերի նախարարության, Առողջապահության նախարարություն, Քաղաքաշինության պետական կոմիտեի,  Հայաստանում ՄԱԿ-ի փախստականների հարցերով գերագույն հանձնակատարի գրասենյակի, հասարակական կազմակերպությունների  ներկայացուցիչներ և ճարտարապետներ:

2017թ. ապրիլի 27 և 28-ին, Միգրացիոն քաղաքականության մշակման միջազգային կենտրոնը լրագրողների համար ճանաչողական այց է կազմակերպել դեպի Լոռու մարզ: Սա առաջին մարզային այցելությունն էր ՄՔՄՄԿ-ի կողմից ՄԻԲՄԱ ծրագրի շրջանակում 2017-ին ծրագրված այցերի շարքում:

Մայիսի 15 և 16-ին Հայաստանում Միգրացիոն քաղաքականության մշակման միջազգային կենտրոնը նախաձեռնել էր «Հետազոտությունների մեթոդաբանություն և միգրացիոն տվյալների այլընտրանքային աղբյուրներ» թեմայով դասընթաց՝ Հայաստանում միգրացիոն հոսքերի զարգացումների վերլուծմամբ և մոնիթորինգով զբաղվող պետական գերատեսչությունների և հասարակական կազմակերպությունների ներկայացուցիչների համար: Մասնակից կազմակերպություններն էին ՀՀ Միգրացիոն պետական ծառայությունը, ՀՀ Ազգային վիճակագրական ծառայությունը, Հետազոտական ռեսուրսների կովկասյան կենտրոնը, Ռուս-հայկական (Սլավոնական) համալսարանը, Երևանի պետական համալսարանը և անկախ փորձագետները:

2017թ. ապրիլի 21-23ը, Հայաստանում Միգրացիոն քաղաքականության մշակման միջազգային կենտրոնի աջակցությամբ, Ծաղկաձորում մեկնարկեց ՀՀ միգրացիայի քաղաքականության 2017-2021թթ ռազմավարության գործողությունների ծրագրի նախագծի շուրջ աշխատանքային քննարկումը: Աշխատանքային քննարկմանը մասնակցել են շահագրգիռ պետական կառույցների, միջազգային և հասարակական կազմակերպությունների ներկայացուցիչները:

Ներբեռնել

Ծրագրի մասին պատմող տեղեկատվական թերթիկը EN AM

Կոնտակտներ

ՄՔՄՄԿ կենտրոնական գրասենյակ

Ավստրիա, Վիեննա,1010
Գոնզագեգասսե 1
Հեռ. +43 1 504 4677 0
Ֆաքս +43 1 504 4677 2375

ՄՔՄՄԿ-ն Հայաստանում

ՀՀ, Երևան, 0010,
Վ.Սարգսյան փ. 26/1
՞Էրեբունի Պլազա՞ բիզնես կենտրոն, գրասենյակ 711
Հեռ. +374 10 520388

Էլ.փոստ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

Facebook