ՆԵՐԱԾՈՒԹՅՈՒՆ

Ավելի քան տասնյակ տարիներ Հայաստանում իրականացվում են աշխատանքներ՝ ուղղված միգրացիոն քաղաքականության մշակմանը, այդ թվում՝ միգրացիայի կառավարման ընդհանուր քաղաքականություն, ապաստանի վերաբերյալ քաղաքականություն և ինտեգրման գործընթացները դյուրացնող քաղաքականություն: Գործնական քայլերից մեկն էլ եղել Սիրիայից տեղահանված հայկական ծագում ունեցող հազարավոր փախստականների ինտեգրումը Հայաստանում:
ԵՊՀ-ի միջազգային հարաբերությունների ֆակուլտետի համար վերջերս մշակվել է ուսումնական պլան, իսկ ներկայումս աշխատանքներ են իրականացվում ժուռնալիստիկայի, իրավաբանական և տնտեսագիտական ֆակուլտետների համար ուսումնական պլանների մշակման ուղղությամբ: Միգրացիայի ոլորտում ուսումնական պլանի մշակման, ԵՊՀ ուսանողներին և դասախոսական կազմին նոր գիտելիքների տրամադրման, ինչպես նաև միգարոցիոն թեմաների և նոր ուսումնական պլանի նկատմամբ հետաքրքրությունը բարձրացնելու նպատակով՝ Հայաստանում Միգրացիոն քաղաքականության մշակման միջազգային կենտրոնի գրասենյակը, ԵՄ-ի կողմից ֆինանսավորվող «Հայաստանում միգրացիայի և սահմանների կառավարման ուղղությամբ աջակցություն» ծրագրի շրջանակներում կազմակերպում է «Միգրացիա և զարգացում» ամառային դպրոցը: Դպրոցի հիմնական նպատակն է ուսանողներին և դասախոսներին ներկայացնել ընտրված թեմաների վերաբերյալ միջազգային փորձը: Թեմաներն են՝ միգրացիա, զարգացում, մամուլի դերը միգրացիայի ընկալման ոլորտում, և այլն:

Վերջին տարիներին Հայաստանում փախստականների ինտեգրման խնդիրները դարձան կարևոր մարտահրավեր և առաջնահերթություն՝ ազդելով փախստականների, տեղական իշխանությունների և իրենց համայնքներում փախստականների և ապատսան հայցողներին հյուրընկալող պետական կառույցների վրա: Երկրում փախստականների երկարաժամկետ ներկայությունը լուծումներ է պահանջում տեղական և ազգային մակարդակում՝ նրանց ինտեգրման խնդիրների և հումանիտար կարիքների ուղղությամբ:

2018թ. դեկտեմբերի 17-ին, «Ճամպրուկ 2018» միգրացիայի ոլորտում անցկացվող ամենամյա լրագրողական մրցույթի մրցանակաբաշխությանը 9 լրագրող արժանացել է մրցանակի՝ միգրացիայի ոլորտում գերազանց լուսաբանման համար: Մրցույթն անցկացվել է Հայաստանում Միգրացիոն քաղաքականության մշակման միջազգային կենտրոնի գրասենյակի նախաձեռնությամբ և Հայաստանում ՄԱԿ-ի փախստականների հարցերով գերագույն հանձնակատարի գրասենյակի ու «Վերադարձ Հայաստան» հիմնադրամի աջակցությամբ: Հաղթողների աշխատանքներն առանձնացել են  միգրացիոն ոլորտի խնդիրների ու հնարավորությունների փաստարկված և անկողմնակալ լուսաբանմամբ:

Միգրացիոն քաղաքականության մշակման միջազգային կենտրոնը, ԵՄ-ի կողմից ֆինանսավորվող «Աջակցություն Հայաստանին միգրացիայի և սահմանների կառավարման ոլորտներում» (MIBMA) ծրագրի շրջանակներում, Հայաստանում ՄԱԿ-ի փախստականների հարցերով գերագույն հանձնակատարի գրասենյակի և  «Վերադարձ Հայաստան» հիմնադրամի հետ համատեղ, հայտարարում է «Ճամպրուկ 2018» միգրացիայի ոլորտում ամենամյա լրագրողական մրցույթի անցկացման մասին:

2018 թ. հունիսի 4-6-ը Հայաստանում ՄՔՄՄԿ գրասենյակը նախաձեռնել էր եռօրյա միջգերատեսչական աշխատաժողով՝ ռիսկերի վերլուծության և կառավարման թեմայով: Մաքսային և սահմանային ոստիկանության ոլորտի երկու փորձագետ Լատվիայից ներկայացրել են իրենց երկրների փորձը ԱԱԾ սահմանային զորքերի, պետական եկամուտների կոմիտեի և ԱԱԽ քարտուղարության 10 գործընկերներին: Աշխատաժողովի նպատակն էր ներկայացրել ԵՄ չափանիշները և լավագույն գործելակերպը  սահմանային ծառայությունների միջև համագործակցության ոլորտում և բարելավել Հայաստանում միջգերատեսչական համագործակցությունը:

Հունիսի 1 և 2-ին Հայաստանում ՄՔՄՄԿ գրասենյակը կազմակերպել էր 2018 թ-ի համար առաջին լրագրողական շրջայցը դեպի Տավուշի մարզ: Հանրային ռադիոյի, Հայկական ժամանակ օրաթերթի, aratanews.am, iravunq.am, meganews.am, womment.am, noratert.am, aravot.am կայքերի լրագրողներն այցելել են Լուսաձոր, Գանձաքար, Սևքար և Աչաջուր գյուղեր, զրուցել գյուղապետերի և տեղի բնակչության հետ իրենց խնդիրների, միգրացիայի միտումների, վերջին քաղաքական փոփոխություններից հետո ակնկալվող մարտահրավերների և տրամադրությունների շուրջ:

Հայաստանում ՄՔՄՄԿ գարասենյակը իր ներդրումն է ունեցել Եվրոպայի օրվա կապակցությամբ իրականացվող միջոցառումների շարքում` կազմակերպելով մրցավզաք Երևանի Քանաքեռ-Զեյթուն վարչաշրջանի դպրոցների 9 և 10 տարեկան երեխաների համար: Մրցավազքին մասնակցել են 4 դպրոցից 24 երեխա՝ 12 տղա և 12 աղջիկ: 600 մետր երկարությամբ մրցավազքը տեղի է ունեցել հունիսի 2-ին Կարեն Դեմիրճյան սպորտային համալիրի շուրջ: Մրցավազքի ընթացքում երեխաները հանդիպել են երկու «սահմանային անցակետի» և վերցրել տարբեր գույնի ձեռնաշղթաներ: Կարմիր և կապույտ ձեռնաշղթաներով հաղթողները զբաղեցրել են առաջին, երկրորդ և երրորդ տեղերը և ստացել են մրցանակներ:

2018 թ. մայիսի 15 և 16-ին Հայաստանում ՄՔՄՄԿ գրասենյակը, ՄԱՓԳՀ  հայաստանյան գրասենյակի և Հայկական Կարմիր Խաչ ընկերության հետ սերտ համագործակցությամբ, սահմանային անցակետերի անձնակազմի համար կազմակերպել են կարողությունների զարգացման հերթական միջոցառումը, այս անգամ “Ապաստան հայցողների և խոցելի խմբերի ներկայացուցիչների հետ հարցազրույց անցկացնելու մեթոդներ” թեմայով: Դասընթացը վարել է ՄՔՄՄԿ փորձագետ Դիրք Քալեմինը: Միջոցառման նպատակն էր կատարելագործել ՍԶ համապատասխան անձնակազմի մասնագիտական հմտությունները պետական սահմանի անցման կետերում ապաստան հայցող անձանց, ինչպես նաև խոցելի խմբերի ներկայացուցիչների հետ հարցազրույց անցկացնելու մասով:

Ներբեռնել

Ծրագրի մասին պատմող տեղեկատվական թերթիկը EN AM

Կոնտակտներ

ՄՔՄՄԿ կենտրոնական գրասենյակ

Ավստրիա, Վիեննա,1010
Գոնզագեգասսե 1
Հեռ. +43 1 504 4677 0
Ֆաքս +43 1 504 4677 2375

ՄՔՄՄԿ-ն Հայաստանում

ՀՀ, Երևան, 0010,
Վ.Սարգսյան փ. 26/1
՞Էրեբունի Պլազա՞ բիզնես կենտրոն, գրասենյակ 711
Հեռ. +374 10 520388

Էլ.փոստ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

Facebook