Միգրացիոն քաղաքականության մշակման միջազգային կենտրոնը, ԵՄ-ի կողմից ֆինանսավորվող «Աջակցություն Հայաստանին միգրացիայի և սահմանների կառավարման ոլորտներում» (MIBMA) ծրագրի շրջանակներում, Հայաստանում ՄԱԿ-ի փախստականների հարցերով գերագույն հանձնակատարի գրասենյակի և  «Վերադարձ Հայաստան» հիմնադրամի հետ համատեղ, հայտարարում է «Ճամպրուկ 2018» միգրացիայի ոլորտում ամենամյա լրագրողական մրցույթի անցկացման մասին:

2018 թ. հունիսի 4-6-ը Հայաստանում ՄՔՄՄԿ գրասենյակը նախաձեռնել էր եռօրյա միջգերատեսչական աշխատաժողով՝ ռիսկերի վերլուծության և կառավարման թեմայով: Մաքսային և սահմանային ոստիկանության ոլորտի երկու փորձագետ Լատվիայից ներկայացրել են իրենց երկրների փորձը ԱԱԾ սահմանային զորքերի, պետական եկամուտների կոմիտեի և ԱԱԽ քարտուղարության 10 գործընկերներին: Աշխատաժողովի նպատակն էր ներկայացրել ԵՄ չափանիշները և լավագույն գործելակերպը  սահմանային ծառայությունների միջև համագործակցության ոլորտում և բարելավել Հայաստանում միջգերատեսչական համագործակցությունը:

Հայաստանում ՄՔՄՄԿ գարասենյակը իր ներդրումն է ունեցել Եվրոպայի օրվա կապակցությամբ իրականացվող միջոցառումների շարքում` կազմակերպելով մրցավզաք Երևանի Քանաքեռ-Զեյթուն վարչաշրջանի դպրոցների 9 և 10 տարեկան երեխաների համար: Մրցավազքին մասնակցել են 4 դպրոցից 24 երեխա՝ 12 տղա և 12 աղջիկ: 600 մետր երկարությամբ մրցավազքը տեղի է ունեցել հունիսի 2-ին Կարեն Դեմիրճյան սպորտային համալիրի շուրջ: Մրցավազքի ընթացքում երեխաները հանդիպել են երկու «սահմանային անցակետի» և վերցրել տարբեր գույնի ձեռնաշղթաներ: Կարմիր և կապույտ ձեռնաշղթաներով հաղթողները զբաղեցրել են առաջին, երկրորդ և երրորդ տեղերը և ստացել են մրցանակներ:

Հունիսի 1 և 2-ին Հայաստանում ՄՔՄՄԿ գրասենյակը կազմակերպել էր 2018 թ-ի համար առաջին լրագրողական շրջայցը դեպի Տավուշի մարզ: Հանրային ռադիոյի, Հայկական ժամանակ օրաթերթի, aratanews.am, iravunq.am, meganews.am, womment.am, noratert.am, aravot.am կայքերի լրագրողներն այցելել են Լուսաձոր, Գանձաքար, Սևքար և Աչաջուր գյուղեր, զրուցել գյուղապետերի և տեղի բնակչության հետ իրենց խնդիրների, միգրացիայի միտումների, վերջին քաղաքական փոփոխություններից հետո ակնկալվող մարտահրավերների և տրամադրությունների շուրջ:

2018 թ. մայիսի 15 և 16-ին Հայաստանում ՄՔՄՄԿ գրասենյակը, ՄԱՓԳՀ  հայաստանյան գրասենյակի և Հայկական Կարմիր Խաչ ընկերության հետ սերտ համագործակցությամբ, սահմանային անցակետերի անձնակազմի համար կազմակերպել են կարողությունների զարգացման հերթական միջոցառումը, այս անգամ “Ապաստան հայցողների և խոցելի խմբերի ներկայացուցիչների հետ հարցազրույց անցկացնելու մեթոդներ” թեմայով: Դասընթացը վարել է ՄՔՄՄԿ փորձագետ Դիրք Քալեմինը: Միջոցառման նպատակն էր կատարելագործել ՍԶ համապատասխան անձնակազմի մասնագիտական հմտությունները պետական սահմանի անցման կետերում ապաստան հայցող անձանց, ինչպես նաև խոցելի խմբերի ներկայացուցիչների հետ հարցազրույց անցկացնելու մասով:

Մարտի 5 և 6-ին Հայաստանում ՄՔՄՄԿ գրասենյակը կազմակերպել է դասընթաց  Հայաստանի համայնքների միգրանտների ինտեգրման քաղաքականության հարցերով զբաղվող դասվարների համար: Համաշխարհային միգրացիայի քաղաքականության ասոցիացիաների նախագահ Պատրիկ Թարանը և Շենոն Փֆոհմանը Կարիտաս Եվրոպայից ներկայացրեցին ինտեգրման քաղաքականությունները, որոնք մշակվել են և՛ ազգային մակարդակում, և՛ այն քաղաքապետարաններում, որոնք նախաձեռնել են գործնական ընդունելություն ապահովել երկարաժամկետ միգրանտներին:

Մարտի 27-30-ը Հայասատանում ՄՔՄՄԿ գրասենյակը կազմակերպել էր մի շարք դասընթացներ Բագրատաշենի, Գոգավանի և Բավրայի սահմանային անցակետերի և Երևանի սահմանային կետի վերապատրաստման կենտրոնում: Վերապատրաստումների նպատակն էր զարգացնել ՍՎԲ-ների սպայական և ենթասպայական կազմի հմտությունները  ճամփորդական և անձը հաստատող փաստաթղթերի նույնականացման և հսկողության, դրանց պաշտպանիչ տարրերի ուղղությամբ, ինչպես նաև ամրապնդել անձանց պրոֆիլավորման հետ կապված համապատասխան գիտելիքները: Դասընթացների ժամանակ ՍՎԲ-ների ընդգրկած անձնակազմն ուսումնասիրել է, թե ինչպես հայտնաբերել կեղծ նույնականացման քարտեր (այդ թվում՝ ճամփորդական փաստաթղթեր, վիզաներ, վիզա ստանաու համար դիմումներ և այլ  փաստաթղթեր)՝ կիրառելով փաստաթղթերի վերահսկման ժամանակակից սարքավորումները: 

ՄԻԲՄԱ ծրագրի ղեկավար խմբի 4-րդ նիստին քննարկվել են 2017թ-ի երկրորդ կեսի ընթացքում իրականացված գործողությունները և ձեռքբերված արդյունքները, ինչպես նաև ներկայացվել են գործողությունների ցանկում շահառուների առաջարկով կատարված փոփոխությունները: Նիստին բացմանը խոսքով հանդես է եկել ՄՔՄՄԿ սահմանների կառավարման և անվտանգության ծրագրի ղեկավար պրն Էրժեն Բորութը:  

Ներբեռնել

Ծրագրի մասին պատմող տեղեկատվական թերթիկը EN AM

Կոնտակտներ

ՄՔՄՄԿ կենտրոնական գրասենյակ

Ավստրիա, Վիեննա,1010
Գոնզագեգասսե 1
Հեռ. +43 1 504 4677 0
Ֆաքս +43 1 504 4677 2375

ՄՔՄՄԿ-ն Հայաստանում

ՀՀ, Երևան, 0010,
Վ.Սարգսյան փ. 26/1
՞Էրեբունի Պլազա՞ բիզնես կենտրոն, գրասենյակ 711
Հեռ. +374 10 520388

Էլ.փոստ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

Facebook